صحيفة خلف الكواليس موقع خلف الكواليس متخصص بالاخباري المحليه أول بأول
كنتي ضلي
كنتي ضحكة وساكنة قلبي
كنت شايفك كل حــاجة
وأي حاجة في أي وقت
يبقا انتي
كل دقت قلب تحكي
كنتي شمسي كنتي ضلي
ليلي قمري حب عمري
أيوه كنتي
عندي كل الناس في كفه
وانتي لوحدك كفه تانية
تغيبي تمشي أمشي أسيبك
كنتي معايا في كل ثانية
أحلم ببكره وأنتي معايا
ويجي بكره اللاقيكى وحده تانية
نسيتي صوتي
طب فاكره شكلي لما أشوفك
ببقا خايف أمشي خطوه
تغيب عنيكي يغيب كسوفك
والا لما كنتي تمشي
تلمحيني المحك تلاقيني جمبك
والا لما شوقي ياخدك
يبقا معايا الف حاجه
تناديني
أسيب كل حاجة وأسمعك
ما انتي عارفه كنتي ايه
كنتي حلمي وأملي فيا
كنتي ظهر أسند عليه
لا انتي زي أي حد
وألا انتي حد اضحك عليه
انتي عارفه لما غيبتي
خدتي روحي سيبتي جسمي
أبص في المرايا أضحك عليه
لا أنا عارف مين أنا
والا انتي مشيتي ليه
مين قال الجرح مابيعلمش
أنا لما بشوفك كنت بداري
وان سألوني عامل أيه
مابتكلمش
مين قال الجرح مابيعلمش
بص نصيحة للي حب وأتكسر
بكره تلاقي اللي يشبهك
ماتستسلمش
أحض قلبك داوي جرحك
دا اللي حبيتها ما تستهلش
